从读音上，一阴一阳，倒也很好白相。
也是，这年头，阴阳颠倒的事又岂止这一桩。
侬现在还“吓人” 啊？
最近读到金宇澄先生一篇文章，里面提到，有人说起话来，言必称“吓人”。
未知他是何方人氏。
然而掩卷回想，曾几何时，阿拉上海人好像也是言必称“吓人”的呢，至少，1980年代之前，很多上海人讲起闲话来老是左一个“吓人”，右一个“吓人”。
人都是健忘的。不过也不能因为现在不再“吓人”了或不大“吓人”了，就不承认阿拉曾经天天“吓人”。
试举几例。
“今朝冷得‘吓人’。”
“落雷雨之前，天色老‘吓人’嗰。”
“搿腔哩（这一阵）随便啥小菜价钿侪贵得‘吓人’。”
“今朝阿拉屋里小鬼嗰功课多得 ‘吓人’。”
“南京路好去嗰啊，店里厢人多得 ‘吓人’。”
“哦唷，侬覅客气了，倷两个女儿从小侪漂亮得‘吓人’。”
“哎，我年纪还弗大呀，伊叫我声‘阿婆’，侬讲‘吓人’ 啦。”
讲法讲法，就会觉着只讲“吓人”两个字还不够“吓人”，于是就开始添油加醋起来。